تحل الفنانة ناهد السباعى، ووالدتها المنتجة ناهد فريد شوقى، ضيفا على الإعلامية لميس الحديدي في برنامج “كلمة أخيرة”، اليوم الثلاثاء فى التاسعة ونصف مساءً على قناة On، وتتحدث الفنانة ناهد السباعى، عن علاقتها بوالدتها المنتجة ناهد فريد شوقى، وأصعب مرة تعرضت فيها للتنمر.
ناهد السباعى و لميس الحديدى
وفى تصريحات سابقة قالت ناهد السباعى: “أنا ماما بتصغر ليا، وأنا بكبر ليها وده بيخلينا مرتبطين أوى ببعض، ومش بعرف أعمل حاجة غير وهى معايا وفى الشغل بكلمها أخد رأيها هي بالنسبة ليا صحبتى وبنتى مش مامتى ومفيش حد هيزعل على زعلك غير مامتك وليه يبقى عند حد صحبتى غير أمى”.
وتابعت: “إحنا عندنا مشكلة أن الناس مش بيوصلها غير الفساتين، وفكرة التنمر عاليا جدًا ومنقدرش نشوف حاجة مش عجبانا ومنتنمرش عليها وبطريقة سلبية الناس مش شايفة الأفلام اللى بتتعرض في المهرجان بيشوفوا الفساتين بس ومش عارفين الأفلام“.
وأردفت في حديثها: “مش بركز في تعليقات الناس بس النقد الفني بيزعلنى وبيضيقنى قول الفيلم مش عجبك مش إطلالتي ومرة واحدة قالتلى انتى فاكرة نفسك جينيفر لوبيز عيشى عيشت أهلك دى ضيقتنى ورديت عليها فعلا عندنا التنمر عالى أوى وعندنا مشكلة فيه“.