قالت الفنانة رحمة أحمد إن نجاح الجزء السادس من مسلسل الكبير كرم من ربنا، وأنا لا أتوقع بالسلب أو الإيجاب وكل واحد يعمل شغله كما يجب والتوفيق من عند ربنا.
وأضافت في لقاء خاص مع برنامج هذا الصباح المذاع على قناة إكسترا نيوز: “أنا عرفت أنى اترشحت من أكثر من شخص وأحمد مكى ومخرج العمل شرفونى في مسرحية كنت بعملها في دار الأوربرا، وفى ناس كثير كلمونى وممثلين كبار منهم الفنانة الكبيرة سيمون، وأتمنى ربنا يوفقنى في القادم”.
وتابعت: “حلقة الدخلة كانت صعبة وعدناها أكثر من مرة من كثرة الضحك، وكانت هناك تفاصيل كثيرة اتشالت علشان الوقت، والحمد لله كان رد الفعل مثل رأينا واحنا بنمثل، والناس الموجودة في اللوكيشن بتدى توقع لرد فعل الناس”.
وأضافت: “مكى شخص لطيف وإنسان وما فيش مرة طلبت منه حاجة إلا ووقف جنبى وهو متعاون ولا ينتظر إنى ألجأله ومش عارفة هو كان متوقع ايه ولما كنت بكون قلقانة كان يطمنى وانا كنت متوترة جدا وهو كان بيكسر الحواجز علشان نعرف نشتغل مع بعض أكثر ومن الصعوبات التي واجهتنى اللهجة كانت صعبة جدا وعلى قد ما اقدر حاولت احقق المطلوب وكان معانا مصحح وكان بيركبلنا الفاظ معينة وفى من الكلام ما هو مكتوب وكان فيه برضه ارتجال وأكثر مشهد بيضحكنى مشهد الفرح، ودور مربوحة كان تحدى كبير ولازم أخد بالى جدا من الأدوار القادمة وممكن اعمل حاجة غير الكوميديا”.
وأكدت أنها من متابعى الفنانة دنيا سمير غانم، وأنها كانت خائفة من فكرة المقارنة والناس بطلت تقارن لما لقت إن الشخصية مختلفة عن دور هدية دى شخصية مختلفة تماما وما فيش حد يقدر يقوم بدور هدية زى دنيا سمير غانم.