لا تزال صدمة وفاة الإعلامية أسماء مصطفى مقدمة برنامج “هذا الصباح” على شاشة إكسترا نيوز تسيطر على الوسط الصحفى والإعلامى، وحضر عدد كبير من زملائها مراسم العزاء التى أقيمت أمس بمسجد الشرطة بأكتوبر.
وقبل وفاتها بأسابيع قليلة نشرت أسماء مصطفى حبيب، بوست عبر صفحتها الرسمية علي موقع التواصل فيس بوك، تحدثت فيه عن علاقتها بزوجها الدكتور أيمن أبو العلا عضو مجلس النواب وعما لمسته منه من دعم كامل ووقوف إلى جانبها في محنتها.
وكتبت أسماء: “أمي ربنا يديها العمر والصحة ويصبرها على ابتلاءها فيه قبل ما اتجوز لانى كنت برفض ناس كتير كل ما كانت تسالني كنت اقولها عايزة اتجوز راجل بيحبنى بجد لنفسى، كانت تدعى وتقولى ربنا يرزقك باللى يقدرك ويريح قلبك يكون ابن اصول عمرها ما اتمنت ليه عريس يجبيلى مثلا شبكة بكام ولا هسكن ولا حاجة خالص زى ما بيحصل ولا طلبت غير راحة بالى وحد يقدرنى”.
واستطردت: “وربنا سبحانه وتعالى استجاب دعوتنا إحنا الاثنين رزقنى براجل بجد بيحبنى لنفسى ولشخصى وبيقدرنى والمحنة والمرض خلونى افتكر دعوتها، المرض الملعون ده دمرنى لكن هو شايفنى احلى ست فى الدنيا ولاقيته ضهرى وسندى فى دنيتى، ربنا يحميه ويحفظه ويكفيه شر الحاسدين ويبارك فى اولادنا ويحفظهم ونقدر نعدى المحنة ونخرج بمنحة يا رب صبرنا على ابتلاءنا”.