سر عمل بلح الشام المقرمش في البيت مثل الجاهز

المكونات :

2كوب دقيق

2 كوب ماء

نص كوب زيت نباتى او زبده

5 بيض

2 ملعقه نشا “علشان تبقى هاشه”

معلقه بكنج بودر

نصف ملعقة ملح

ملعقه سكر

فانيليا

2 ملعقه كبيره خل “مهم “”علشان تبقى مقرمشه”

شرابات ثقيل : المكونات

2 كوب ماء +كوب سكر+ ليمونه +فانيليا
يغلى جيدا حتى يصبح سميك ويترك ليبرد

طريقة التحضير في الوصف اسفل :

يتم وضع  الماء والزيت على النار مجرد ما يغلو نهدى النارو نضع الملح والسكر والفانيليا

ثم نضيف النشا مع معلقه بيج بودرعلى الدقيق ونضعه مره واحده مع التقليب المستمر السريع بمعلقه خشب او بلاستك حتى يذوب الدقيق تماما وتبقى عجينه

تاخد العجينه على العجان او بالمضرب ونضيف بيضه بيضه ومعهم الخل ولو لسه ناشفه ممكن بيضه كمان

حتى تتمسلك العجينه جيدا وعلشان نتاكد انها ناجحه بطرف صباعك فى العجينه بتعمل خط المفروض انه ميرجعش تانى
وبالكيس بتاع الحلويات او كيس بلح الشام بنضع العجينه فيه

وعلى طبق اخر نقطعه بطول 5 سم وكل شويه تحطى ايديك فى زيت علشان تعرفى تقطعى العجينه
ويكون عندك طاسه فيها زيت يا دوب دافى نضع البلح فيه

ونتركه حتى يتضاعف حجمه نبتدى نعلى النار مع التقليب المستمر حتى يبصبح دهبى من كل الجوانب “لو الزيت من الاول سخن مش هتطلع مقرمشه من بره ومش هتستوى كويس من جوه ”

المقدار ده بيعمل اربع طاسات فى كل مره اتركى الزيت حتى يبرد
وبعدين اتركى بلح الشام يبرد شويه وبعدين حطيه فى الشربات البارد
هيطلع احلى من الجاهز

ملحوظه
وممكن تحفظى جزء منها فى علبه بلاستك مغلقه جيدا فى الفريز لوقت الحاجه