وأضاف كريم أبو زيد في مداخلة هاتفية لبرنامج “بحب السيما” تقديم شريف نور الدين المذاع على ميجا أف أم، الفيلم اتعرض عليه صدفة وأول ما اتبعت لى الإسكربت قرأته فى العربية ووافقت عليه دون تردد، واتفرجت على أفلام كتير مرتبطة بالأرقام قبل بداية التصوير، وبالنسبة لاختيار الممثلين فى الأول كنا شايفين ممثلين معينين فى الدور بس رفضت ده وكان أول حد اخترناه فى دور غالية هي النجمة غادة عادل ووافقت على طول على الدور.
وقال الفنان عمر الشناوى في مداخلة هاتفية لبرنامج “بحب السيما”، أول ما الإسكريبت جالى قرأته وكان دور صغير بس مهم جدًا وفى نفس الوقت هو دور أساسى فى الفيلم ووافقت عليه بدون تردد، والطريقة اللى بيتحكى بيها الفيلم مختلفة جدًا، ونوعية الأفلام دى بتشدنى جدًا وتجربة مختلفة بالنسبالي.
فيلم “11.11”، بطولة إياد نصار، غادة عادل، إنجي المقدم، محمد الشرنوبي، عمر الشناوي، هند عبد الحليم، ونور إيهاب، وتدور أحداثه حول سعيد المحامي وثلاث شخصيات، عاليا، زين، راضي، ليضعهم القدر في طريق طلقة طائشة من مسدس سعيد الذي يقدم على الانتحار داخل سيارته، وكل شخصية من الشخصيات لديها صراعها في الحياة، والذي يضع كل منهم أمام اختيار صعب، ويجب على كل منهم حسم قراره بالاختيار بين عدة اختيارات غاية في الصعوبة.