الرنجة والفسيخ من الأكلات الرسمية في مصر احتفالا بعيد شم النسيم، الأمر الذى دعا عزة عاطف ابنة محافظة الإسكندرية، للاحتفال ولكن على طريقتها الخاصة، مستخدمة الصلصال الحراري في صنع وتشكيل مصغرات الرنجة والفسيخ لاحتفال من نوع آخر.
حب الرسم مع المطبخ
قالت عزة عاطف في حديثها لـ”اليوم السابع”: من وأنا صغيرة بحب الرسم والطبخ جدَا لكن فكرة اكتشاف اللعب بالخامة كان منذ 6 سنوات بدأت ألعب بالصلصال الحراري في تشكيل بعض المصغرات من الأكلات المختلفة حبًا في الأكل، ومن هنا كانت بداية العشق وقعت بحب الصلصال وبدأت أشتغل على نفسي وأطور من نفسي في صنع أكتر حاجة بحبها ومن هنا بدأت في تصميم مصغرات لجميع أنواع الأكلات المصرية الشعبية والأكلات الأكثر تناولا في المناسبات”.
شم النسيم:
واستكملت :” في شم النسيم حبيت احتفل على طريقتي بما إني في رمضان وصعب الاحتفال الحقيقي فقررت إني أعمل الرنجة والفسيخ تشبه الحقيقة ولكن هي من الصلصال الحراري وكنت حريصة أيضًا على تحضير السفرة الخاصة بعيد شم النسيم بالكامل ولكن حجمها لا يتعدى كف اليد.
فن ليس للبيع
وعن أعمالها الفنية بالصلصال قالت عزة:” شغلي كله ليا بحب احتفظ بكل قطعة عملتها وبحب اقتنيها كقطعة انتيك بمنزلي ومش بحب أبيع شغلي لأن بتعب فيه جدًا فمش أي ثمن يوافي تعبي فممكن اقدمها هدايا لكن مش ببيع شغلي أنا حقيقي بحس أنهم أولادي وشئ غالي عليا جدًا يمكن الكثير يستغرب من كلامي لكن حقيقي المصغرات مقتنيات غالية عندي.
وأوضحت :” علاقتي بالسوشيال ميديا بدأت بعد ما بدأت أنفذ أول قطعة وبدأت أشيرها على مواقع التواصل كان رد الناس غير متوقع وهم السبب في إني أكمل وحبيت مجالي بشكل قوي كل شغلي حقيقي مفيش أي فوتوشوب.
الرنجة والفسيخ
طريقة تحضير الرنجة من الصلصل
مصغرات للرنجة والفسيخ
الرنجة والفسيخ
طريقة تحضير الرنجة من الصلصل