علق مؤسس مهرجان الجونة المهندس سميح ساويرس على حريق المهرجان الذي شب قبيل بدايات فعاليات المؤتمر بساعات، مازحا: “كنت قلقان وزعلان على قميصي اللى اتحرق.. كان جديد لانج واتحرق”.
وقال، خلال حواره مع الإعلامية لميس الحديدي فى سهرة خاصة على شاشة “ON” بمناسبة افتتاح فعاليات مهرجان الجونة في دورته الخامسة: “فيه 2000 مهندس وعامل في مدينة الجونة موجودين كل يوم شغالين بقالهم عشر سنوات بيبنوا فيها.. اللى حصل إن ما يقرب من ألفى عامل ومهندس سابوا اللى فى إيديهم وأتوا عشان يخلصوا المشكلة وشالوا السقالات اللى فى المباني وجابوها فورا عشان يخلصوا أثر الحريق”.
وتابع: “إحساس الأمان جالنا من وجود الناس دى لما قالولنا خلال 24 ساعة هتكون كل حاجة خلصت، وده اللى طمني أنا ونجيب وقلنا خلاص الحمد لله”.
كما أعرب رجل الأعمال نجيب ساويرس عن سعادته بالانطلاقة التي شهدها مهرجان الجونة السينمائي في دورته الخامسة، مضيفًا: “لم أقلق نهائيًا من الحريق، وكان همي الأكبر سلامة الناس، وقلت اللى ييجي في الريش بقشيش”.
وقال خلال حواره مع الإعلامية لميس الحديدي فى سهرة خاصة على شاشة “ON” بمناسبة افتتاح فعاليات مهرجان الجونة في دورته الخامسة: “والدي تعرض لكثير من الصدمات، ولكنه كان قادرا على امتصاصها وتجاوزها، وأخذنا هذه الروح منه، وخصوصًا إننا صعايدة ومش بنرجع أبدًا”.