يؤجل الكثير من الشباب الاحتفال ببعض المناسبات الخاصة بهم لتاريخ مميز، حتى تظل ذكري جميلة ومميزة في حياتهم، منهم من يختار أن يقيم حفل زواجه أو خطبته ليوم ميلاده أو يوم عيد الحب أو حتى لتاريخ مميز مثل يوم 222022 ، ولذلك سألنا الشباب، “إزاى هتخلى يوم 2 فبراير مميز فى حياتك ؟” وكانت الإجابات مفاجئة، والتى نستعرضها فى هذا التقرير.
إزاى هتخلى يوم 222022 مميز فى حياتك ؟
هقضيه نوم طول اليوم
قالت هاجر أحمد وهى شابة فى العشرينات من العمر لـ” اليوم السابع”:” هو يوم مميز حقيقي لأنه يوم عيد ميلادي لكن مش حابه احتفل بيه وبفكر اقضيه نوم، أفضل لأني بمر بإكتئاب، لكن لو حد عايز يخليه يوم مميز في حياتي أنا جاهزة”.
وأضافت إيمان إبراهيم وهى بمرحلة العشرينات من العمر، أيضاً:” هيكون يوم عادي زي باقي الأيام وبصراحة كان نفسي يكون يوم مميز لكن القدر عايز كده”.
صينية مكرونة بشاميل
وقالت نادية مصطفي:” كان هيكون أحلي يوم في حياتي بخطط له من حوالي 4 شهور، كان هيكون يوم خطوبتي على الشخص اللي قلبي اختاره ولكن للأسف حصلت ظروف وأجلنا اليوم لكن بحاول يكون مميز لأنى ناوية أعمل صينية مكرونة بشاميل وأعزم خطيبي عندي”.
هتجوز فى اليوم ده
وأضاف أحمد مسعود: ” هو حقيقي يوم مميز لأنه عيد ميلاد والدتي و قررت يكون جوازي في نفس اليوم، وكدا أنا نجحت أنه يكون يوم مميز لكن يارب يكون حلو ويبقى أحلي ذكري في حياتي”.
هأجل عملية الولادة
وأما هدير شادي، فقررت أن تجعل يوم 2 فبراير مميز فى حياة أسرتها الصغيرة، حيث قالت:” أنا أجلت ميعاد ولادتى، ليوم 2 فبراير، عشان يكون يوم مميز وتاريخ دمه خفيف لأني هولد بنوته، هحاول أدلعها قبل ماتيجي الدنيا ويارب يكون تاريخ حلو عليا وعليها ونببسط كلنا”.
هعزم صحباتى فى البيت
وأضافت سمر:” أنا مش عارفة ليه حابه اليوم ده وبخطط من فترة إنه يكون يوم مميز لينا أنا وصحباتى وأتصلت بيهم عشان نتجمع وعارفة كل واحدة منهن حابة تأكل إيه وهعمله ونقضيه في البيت و هيكون مميز”.
الدعاء بيوم مميز
مكرونة بشاميل
حفل زفاف