وقالت الإعلامية منى عبد الغنى: “اتفق أن الرجل بعد عمل أسبوع شاق لابد من أن يرتاح يوم الإجازة بسبب أنه عاوز يسد احتياجات الأسرة والمتطلبات اليومية، والست عاوزة الراجل يخرج ولكن عامل حسابه أن الميزانية ممكن متكملش ولكن سيبى الراجل يرتاح ومش لازم نخرج برة واقعدوا فى البلكونة واتكلموا”.
وأضافت الإعلامية منى عبد الغنى، خلال البرنامج: “الراجل كان زمان يقعد فى البيت لكن دلوقتى الراجل بيقول لمراته روحى يا حبيبي قضى اليوم عند أهلك انتى والعيال، عشان يخلى له الجو، لا متسبهوشى وخليكى معاه”.
وتابعت الإعلامية منى عبد الغنى، :”لو الراجل فرهد من الخروجه من بدايته تندمه على اليوم اللى خرج معاها فيه، بسبب متطلباتها الكثيرة، والرجالة بتكره التسوق مع زوجته جدا”.
وقالت الإعلامية إيمان عز الدين، :”بعض خروجات الأزواج تتحول لخناقة أو تتحول لمشكلة وهناك كتير من الرجالة تخرج مع مراته، وبعد الجواز العمل لابد أن يكون كثير بسبب هناك التزام وهناك رجال تعمل أكثر من شيفت لسد احتياجات الأسرة، وبينتظر يوم الاجازة عشان ينام ويرتاح، والراجل مفرهد طول الاسبوع”.
وأضافت الإعلامية إيمان عز الدين، خلال البرنامج، :”ولو الست عاوزة تغير جو فيه ايه لو تعملى كوباية شاى وتقعدوا فى البلكونة وتتكلموا، ولو الراجل مش معاه فلوس بسبب مصاريف البيت والمدارس، بدل ما نقعد برا نقعد جوا، وهناك رجالة كسولية وبيتوتية مش بيحب يخرج”.
وتابعت الإعلامية إيمان عز الدين، :”الست لازم ترتب الخروجة مع زوجها لو كان هناك فائض من الاموال والملتزمات الشهرية وبلغيه بالخروجة، لأنه مش فاضى يفكر بسبب العمل، وتحاولى يكون اليوم الخروجة لطيف ومتنكديش عليه”.