بالفيديو| رمضان عبدالمعز: الحسد والحقد والغل والغيبة ٤ جرائم

08:07 م


الأربعاء 27 أكتوبر 2021

كتب- محمد قادوس:

قال الشيخ رمضان عبدالمعز، الداعية الإسلامي، إن من أسباب الغيبة ونهش أعراض الناس، نقص الورع وعدم خوف الله، وايضا من ضمن الدوافع حب الدنيا، لافتا إلى أن سيدنا محمدا حذر من التنافس على الدنيا، وانها يمكن تكون سبب الهلاك.

وتابع عبدالمعز، خلال حلقة برنامج “لعلهم يفقهون”، المذاع على فضائية “dmc”، اليوم الأربعاء: “المؤمن لا يؤذى أحدا ولو أحد أذاه يجتنبه من غير إيذاء، أيضا حب الرئاسة والزعامة، وانا أولى به من المنصب، وايضا موافقة الاقران، يعنى تلاقى واحد بيأخذ ذنوب، كده عشان ببسند معاهم فى الكلام، ده هتلاقيه فى سقر فى جهنم، عشان بيحط التاتش بتاعه عشان صاحبه، وبيتكلم عن الناس بما يكرهون”.

واستكمل: “من ضمن الدوافع، أيضا الحقد والغل والحسد، تلاقى واحد مقهور من حد عشان احسن منه تلاقيه بقى يقول عليه كلام مش كويس، ويبقى بيحسده وبيغل منه ويحقد، عليه، ارتكب ٤ جرائم فى بعض من غير ما يشعر”.