الممثل العالمى راسل بيترز يكشف سر الكوميديا: مفيش اختلاف بينا وكلنا متشابهون

تحدث الممثل العالمي راسل بيترز، حول اختلافات الناس فى استقبال عروضه الكوميدية، قائلا:”المضحك انهم شايفين اننا مختلفين مع أن أنا اللي بحاول أوصله إننا متشابهين بالفعل.. لأني مثلا بقول المصريين يقومون بفعل شئ معين .. فشخص هندي يقول “إحنا اللي معروفين بنفس الشئ” و بعدين الاسكتلنديين يقولوا “إحنا كمان معروف عننا نفس الشئ”.. ولكن ما زال عندنا الاعتقاد أننا مختلفين عن بعض.. فأحيانا بتقدمي المحتوى بشكل يجعل الجمهور يحس أنه مقدم له خصيصا ولكن الحقيقة إننا كلنا متشابهون”.

وحول حديثه اللغات واللهجات المختلفة، قال خلال حواره ببرنامج «صباح الخير يا مصر»، المُذاع على القناة الأولى، والفضائية المصرية، مع الإعلامية جومانا ماهر، :”على ما يبدو واجهت صعوبة اللغة الاسكتلندية الآن .. جربت اتكلم بالاسكتلندية ولكني لم أنجح .. والخدعة إنك لو مش بتتكلم لغة تانية فعليك أن تعرف كلمة أو كلمتين من اللغة دي وبعدين تقولها وانت غضبان”.

واستطرد :”لا أحد يحب المقاطعين، فمعظم المقاطعين بيكونوا من جمهورك، و بيقاطعوا لأنهم متحمسين لرؤيتك، لكنهم ممكن يكونوا بيمروا بوقت صعب، فالبسبة لي بكون بتكلم .. ممكن أسكت قليلا .. فجأة شخص ينادي .. أنا بحبك يا راسل، وأنا بكون عاوز أقوله ممكن تحبني في صمت..  فأكيد بعدي المواقف دي .. أما في حالة إن الجمهور لم يستوعب الكوميديا اللي بقدمها لازم أعرف ليه؟ هل السبب إني لم أقدمها بشكل جيد أو هي غير مضحكة؟ أو غير مفهومة .. لازم أحل الموقف أثناء الأداء لو لم أصل للجمهور .. وفي حالة اني ألقيت جملة غير مضحكة برجع للسبب على المسرح وبعترف للجمهور”.

يذكر أن الممثل العالمي راسل بيترز، يُعتبر أحد الكوميديين الأشهر في العالم، وتعود أصوله إلى جنوب آسيا ونشأ في كندا، شارك في أفلام متنوعة مثل Breakaway، و Source Code، كما أنه أول فنان كوميدي يحصل على عرض خاص في netflex  في notorious 2013.