قال الكاتب الكبير إبراهيم عبد المجيد إنه مازال يخضع للعلاج من كسر فقرات العمود الفقرى الذى يعانى منه، موضحا أنه سيجرى أشعة غداً للوقوف على حالته الصحية وبحث ما إذا كان الأطباء سيقررون خضوعه لعلميات إضافية أم لا.
وأضاف عبد المجيد، عبر صفحته الشخصية على موقع فيس بوك، “بعد كل عملية يكتشفوا كسر فى فقرة تانية بالعمود الفقري، أول عملية 13 ساعة وكانوا فرحانين بالنتيجة، وبعد يومين اكتشفوا كسر فى فقرة تحت الفقرات التلاتة اللى عملوا ليهم دعامات” .
وتابع الكاتب الكبير، “عملت عملية تانية ست ساعات وقالوا خلاص وبعد خمس أيام اكتشفوا كسر فى فقرة تحتيهم عملوا عملية تلات ساعات يوم اتنين ديسمبر وبكرة حيعملوا أشعة علشان يطمنوا إن مافيش كسر حصل تاني وأنا مش مستوعب اللي بيحصل ومش قادر افهمه ومرعوب ولما بسأل ليه ما أدركتوش ضعف الفقرات من بدري يقولوا كل الأشعة كانت بتقول الفقرات تستحمل وماكانش باين أي ضعف علي الفقرة الأولى”.
واستكمل، “وأنا باقول ياريتني ما سافرت ولا فكرت في علاج وكنت عشت من غير حركة سنة ولا اتنين كمان وجالي زي ما كان متوقع شلل عشت فيه سنة ولا اتنين ومت من غير التعب دا كله.. أنا دلوقت مش بفكر غير في العودة أعيش ما بقي لي نايم علي ظهري في البيت لحد ما ربنا يختارني.. مستني بس أقدر اتحرك ولو عشرة متر علي السنادة.. مش حاوافق أبدا علي أي عمليات تاني.. خلاص مش عايز حاجة من الدنيا بس نفسي ربنا يرضي عني والحياة تخلص بسرعة من غير الألم دا كله.. لا عدت فاكر أنا باشتغل ايه ولا كتبت إيه ولا لازمة أي حاجة عملتها إيه”.