تضمنت آخر رسالة كتبتها الإعلامية أسماء مصطفى على صفحتها على موقع التواصل الاجتماعي «فيسبوك»، توجيه الشكر لعدد من صديقاتها، بعدما قمن بشراء جهاز حقن كيماوى وضوعوه باسمها في مستشفى 57357.
وقالت أسماء في بوست نشرته عبر موقع التواصل الاجتماعى “فيسبوك”: “النهاردة بجد جاتلى أغلى هدية ممكن انسان في مرضه أو شدة محتاجها أصحابى الستات الجدعان واحلى ماميز في الدنيا فكروا يجيبولي ايه هدية وعملوا احلى حاجة في الدنيا ممكن اكون انا وغيرى محتاجينها ولا تقدر حقيقى من وجهة نظرى بثمن”.
وأضافت الإعلامية الراحلة أسماء مصطفى: “بدل ما كل واحدة تروح تجيبلى هدية أو ورد شيكولاتة إلى هى الهدايا لما بتروح تزور حد وطبعا كتر خيرهم، أنما جمعوا بعض ولما الفلوس وراحوا اشتروا جهاز حقن كيماوى وحطوه باسمى في مستشفى 57”.
وتابعت : “أنا عارفة انهم مش منتظرين شكر مني ولا البوست ده حتى بس انا حبيت انشر فكرتهم الحلوة إلى كلها انسانية وثواب كبير ربنا يجازيكم بالمثل واكثر ربنا يخليكم ليه يا رب ..اللهم لك الحمد كما ينبغى لجلال وجهك وعظيم سلطانك ربنا في محنتى اه رزقنى انى اعانى من السرطان واشوف قسوة التجربة لكن كمان رزقنى بنعمة كبيرة بكم من البشر كلهم نقاء دعوات كانت بتوصلني من كل مكان طول الوقت وفى اطهر بقاع الارض في الحرم وفى صلوات في الجوامع والكنائس وختم للقران واطعام وافطار صايم”.
وقالت أسماء: “يا رب لك الحمد على رزقك ونعمك شكرا ليكم مهما ما شكرتكم مش هقدر اوفيكم حقكم ربنا يحفظكم ويجعله في ميزان حسناتكم يا ريت بجد إلى يقدر يعمل زيهم ده بيفرق فعلا وربنا يتقبل ويشفى كل مريض”.