تامر حسنى يصرح عن وصية عادل امام له فى بداياته

قام المغنى المصرى تامر حسنى بمشاركة صورة تجمعه بالفنان عادل امام عبر حسابة على موقع تبادل الصور “انستجرام” وقد بدى عاى وجه عادل امام السعادة والضحك الشديد.

علق عليها قائلا: “إني أضحك الزعيم بالشكل ده يبقى أنا مش سهل ولامؤخذة.. حبيبي يازعيم يارب دائمًا فرحان كده”.



وتابع: “مفيش أي سبب لنزول الصورة غير أني شفتها بالصدفة، وافتكرت يوم ما شوفت الأستاذ عادل وأنا لسه في أول طريقي وطبعًا مكنتش مصدق أني واقف معاه من كتر ما بحبه، وقالي افتكر كلامي كويس يا تامر أنا بحبك وهتنجح وهتوصل لأحلامك”.

واستطرد نجم الجيل: “الصورة دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام وجالي وفضل يهزر معايا وأهزر معاه وبصراحه فرحت عشان عرفت أضحكه بالشكل ده، ومال عليا كده وقالي فاكر كلامي وحضني زي ابنه حسيت بس أني عايز أقولكم أني بحبه جدًا”.

https://instagram.com/p/BaaNbAFhMZi/